A Federación Galega de Confrarías lamenta que o ministerio invista 1,4 millóns de euros nunha aplicación informática para a declaración telemática de capturas da frota artesanal cando este é un requisito “aínda non aprobado” por Europa.
A federación reitera o seu posicionamento contrario á implantación desta medida, polo que entende “unha falta de consideración” que se desenvolveu unha aplicación “cando aínda non se reuniron as partes e aínda non está aprobada definitivamente esta normativa”.
Segundo a nota das confradías todo apunta a que o ministerio español está intentando ir máis rápido que a Unión Europea e xa presume da elaboración unha aplicación informática adecuada para a pesca artesanal cando aínda non está nin aprobada a norma definitivamente polo organismo competente.
A federación anuncia unha xunta xeral para o próximo 14 de setembro para abordar este asunto e tomar acordos.
