Arrinca en Boiro o Festival Turbina

A axenda cultural de Boiro nesta segunda semana de agosto é completa, diversa e múltiple. Comeza cun certame cultural e creativo organizado pola propia mocidade local, o Festival Turbina, con actividades, obradoiros e concertos. Por temáticas, están previstas exhibicións de skate, tie dye e danza urbana. A cita, que conta coa colaboración de Cultura de Boiro e a OMIX local, celébrase este martes 10 de agosto entre as 11.00 e as 0.00 horas, no parque da Cachada.

O skate park de Boiro da Boqueira da Negral nunha imaxe recente de Rubén Paz

No capítulo de concertos, comezan ás 10.45 horas con The Cuncas; ás 16.00 horas DJ Alvaro M; ás 17.30 horas A Costa Nosa; de 19.45 a 20.30 horas micro aberto; ás 20.45 horas Astray e ás 22.30 horas Copa Turbo.
Pola mañá, ás 12.30 horas haberá unha xincana e batalla holi na pista central da Cachada e os arredores coa música de Las hijas de ZP, pola tarde nas pistas de A Boqueira de A Negral, haberá obradoiros de skate, danza urbana e tie dye.