O acordo de todos os partidos políticos foi dado a coñecer polo alcalde Manuel Ruiz ao comezo do pleno extraordinario celebrado na tarde deste martes
A atleta ribeirense Ana Peleteiro, que conseguiu o pasado domingo a medalla de bronce en salto nos Xogos Olímpicos de Toquio, recibirá a distinción de filla predilecta de Ribeira. A distinción foi froito dun acordo alcanzado polos grupos políticos que integran a corporación e do que o alcalde, Manuel Ruiz, deu conta ao comezo da sesión extraordinaria.
O mandatario destacou que, ademais dos méritos deportivos, Ana Peleteiro «simboliza a imaxe de Ribeira que queremos dar. Multirracial, multicultural, aberta e cosmopolita».
