A ACC Terra de Outes presentou denuncia diante da Garda Civil polo roubo da placa colocada por esta Asociación no Monumento ás Vítimas do Franquismo en O Freixo (Outes) na memoria do combatente republicano natural de Outes, Manuel Otero, en 2019, con ocasión do 75 aniversario da súa morte no Desembarco de Normandia, o 6 de xuño de 1944.
Os monumentos dedicados á Memoria Histórica, desde que existen, foron permanentemente obxecto de vandalismo, non sempre por parte de grupos de fanáticos neonazis, pero nos últimos anos producíuse un rebrote de este tipo de ataques e non é casual que coincidan co rexurdimiento da extrema dereita.
O caso do Freixo, fose ou non obra deses grupos, é sintomático do momento que vivimos de medre da intolerancia, pero esta Asociación non vai deixar de lembrar o sacrificio de tódolos que morreron ou perderon a súa libertade e volverá repoñer a placa de homenaxe, tantas veces como faga falta. Cada acto vandálico é tamén unha oportunidade para facer pedagoxía e recordar quen eran as persoas represaliadas, a súa loita pola libertade e os seus valores.
A Escola de Música do Son celebra en maio tres xornadas de portas abertas
A Escola de Música de Porto do Son celebra este mes de maio un ciclo de xornadas de portas abertas para dar a coñecer a súa actividade, o seu equipo humano e as súas instalacións ante as familias e as rapazas e rapaces que queiran introducirse no apaixonante mundo da...