A banda galega Broken Peach vai estar esta semana en Noia. A cita, un novo concerto convocado baixo as máis estritas medidas de seguridade e distanciamento, será este venres 2 de xullo ás 22.00 horas no Liceo de Noia.
A banda Broken Peach, para que non o saiba, é un grupo de catro mozas e tres mozos que centran boa parte dos seus esforzos en revisitar con enerxía e contundencia sonora algúns dos temas que máis soaron por estas terras nas pasadas décadas e mesturalos aínda que os ingredientes parezan difíciles de mesturar. Temas como Personal Jesus de Depeche Mode, Proud Mary de Creedance Crearwater Revival, Dont stop me now de Queen ou We are the champions, tamén de Queen.
