A Feira do Libro de Rianxo, un clásico para a comunidade lectora da nosa comarca (e por suposto doutras comarcas), celébrase esta verán entre o 22 e o 25 de xullo. Será no Campo de Arriba de Rianxo. Como de costume, achegaranse libros de diferentes editoriais, non só das da nosa terra senón tamén do resto do ámbito estatal, e porase o foco (principalmente) nalgunha das principais novidades literarias na nosa lingua.
Unha parte importante do programa de actividades fará fincapé na importante canteira rianxeira de escritoras e escritores, que, como cada ano, está detrás de relevantes novidades editoriais. Haberá sinaturas de libros, campañas de promoción da lectura e outras actividades de lecer para lectoras e lectores de todas as idades. Quen precise máis datos pode consultar a web librarias.org.
