A ANPA do CEIPP de Palmeira convocou unha mobilización para este 26 de xullo na praza do Concello en Ribeira, ás 19.30 horas, destinada a reclamar novamente que o Goberno galego poña freo aos recortes previstos para o dito centro educativo.
A convocatoria coincide coa presentación, no vindeiro pleno da Corporación de Ribeira, de varias mocións contra a decisión da Consellería de Cultura e Educación, propostas que serán achegadas por diversos partidos políticos con representación local que deciriron unirse ás reclamacións.
A mobilización fixouse ante a decisión de suprimir dúas aulas de Educación Infantil e a non concesión do número de PTs e ALs que se precisan para dar cobertura a todo o alumnado con NNEE (Necesidades Especiais) do centro.
