O Concello de Boiro vén de presentar a oferta formativa de actividades deportivas para este verán. Así, volven os Veráns Deportivos 2021 durante os meses de xullo e agosto co fin de fomentar a práctica deportiva. O prazo de inscrición abre o 15 de xuño.
O programa de actividades inclúe as disciplinas de remos, piragüismo, volei Praia, baloncesto, atletismo, tenis, iniciación ao taekwondo e vela. Estas actividades están dirixidas para os rapaces e rapazas. Doutra banda, os mozos e adultos poderán participar en tenis ou vela, e tamén ximnasia para xubilados e Boiro Actívate, para persoas con doenzas especiais.
Ademais, o programa inclúe un gran número de actividades organizadas polos propios clubs, como son o II Campus Deportivo “Rufino Regueira” de natación e triatlón, o VII Campus de Baloncesto Obradoiro CAB, campus de volei e de volei Praia, o Campionato Galego de Vela por Equipos, Depor Campus, IV Travesía Illa da Bensa ou Liga ACT de
traíñas.
O prazo de inscrición abre o vindeiro martes 15 de xuño, e pódese consultar toda a información sobre elas no Servizo de Deportes do Concello de Boiro, no teléfono 981 84 84 25 ou no enderezo electrónico deportes@boiro.org. O concelleiro de Deportes, Marcos Fajardo, falará o vindeiro luns 14 de xuño ás 12 horas, na Sala de Comunicación do Concello de Boiro, máis en profundidade sobre o tema.
