Unha home de 35 anos sufriu feridas de consideración ao rematar fóra da vía o coche co que circulaba na Ponte de Testal, en Noia. O accidente produciuse no punto quilométrico 4 da AC-549, ao fío das nove da noite do luns.
A esa hora, unha persoa particular deu conta do sinistro ao 112 Galicia e, axiña, os xestores do CIAE 112 Galicia pasaron o aviso a Urxencias Sanitarias de Galicia-061, á Garda Civil de Tráfico, ao GES de Noia, á Policía Local e aos Bombeiros de Boiro.
Ao lugar o 061 enviou dúas ambulancias de soporte vital básico e un equipo sanitario do PAC de Noia para atender a tres persoas, dúas delas, un home de 30 anos e unha moza de 28, pediron a alta voluntaria no lugar, mentres que un home de 35 anos, D.V.Ou., foi levado ao Hospital Clínico.
