O conselleiro de Cultura e Educación, Román Rodríguez, presentou este 25 de xuño a primeira edición do programa Propulsa Danza + Paisaxe + Patrimonio, unha nova iniciativa da Xunta que, nas súas palabras, supón unha “aclamación conxunta dun dos maiores bens culturais que ten a nosa Comunidade”. O ciclo desenvolverase do 2 de xullo ao 29 de agosto en 27 espazos singulares de toda Galicia, que acollerán outras tantas actuacións de 30 formacións artísticas.
Participarán 23 compañías galegas xunto con sete formacións convidadas do resto de España, Francia e Portugal. A presentación levouse a cabo no miradoiro da Catedral, no Paseo dos Leóns da Alameda de Santiago de Compostela, na que o conselleiro estivo acompañado por Jacobo Sutil, director da Axencia Galega das Industrias Culturais (AGADIC), e Manu Lago, representante da produción do programa, así como varias das compañías e artistas participantes.
“Propulsa Danza é un marco de diálogo entre disciplinas e expresións culturais, que permitirá exhibir todo o potencial creativo e patrimonial que atesoura Galicia”, sinalou o conselleiro, ao tempo que puxo varios exemplos dos enclaves emblemáticos nos que se desenvolverá o ciclo, como o Cabo Fisterra ou o Castelo de Monterrei. O calendario de actuacións arranca o 2 de xullo no peirao de Rinlo, en Ribadeo, e finalizará o 29 de agosto no Castro de Troña, en Ponteareas.
Pola nosa comarca inclúense emprazamentos tan sobranceiros como a praza do Tapal en Noia (o 4 de xullo, con Apalepsis de Paula Quintas e Give it a spin, de Pisando Ovos, a partir das 19.00 horas) ou o Miradoiro da punta do Castro en Castiñeiras, en Ribeira (o 17 de xullo a partir das 21.00 horas, con La Macana, Alejandra Balboa, Janet Novás e Laboratorio Escénico),
