O Roteiro Maker prosegue o seu itinerario argalleiro cara a Brión, Rois, O Ézaro e Muros

16 Xuño 2021

Logo das paradas levadas a cabo estes días en Ames (Bertamiráns e Milladoiro), as actividades argalleiras itinerantes do Roteiro Maker fixeron recaladas (estes días pasados) no concello de Outes e máis no do Porto do Son (na praza do Curro de Portosín), onde introduciron á rapazada local, dun xeito divertido e creativo, nos segredos da filosofía do “faino coas túas mans” aplicada a tecnoloxías tan punteiras como a robótica, a impresión 3D, a electrónica básica, a programación ou a Intelixencia Artificial. Os seguintes destinos serán esta finde en Brión, Rois, O Ézaro e Muros.

O Roteiro Maker inclúe obradoiros que mesturan a cultura, o turismo e a tecnoloxía nun Camiño Maker.

Aos talleres de Ames, Outes e Portosín asistiu un público numeroso, formado tanto por nenos como por adultos que se achegaron con curiosidade e diversión, xa que os contidos adáptanse a todas as idades e ofrécense, en palabras dos organizadores, “nun formato totalmente innovador e divertido”. Os asistentes destacaron sobre todo “a novidade das tecnoloxías, as posibilidades que ofrece a súa aplicación e a dinámica dos obradoiros, xa que se facilita o acceso a eles de forma áxil ao non necesitar inscrición previa”.

As próximas paradas deste Camiño Maker serán como dixemos esta fin de semana, os días 19 e 20 de xuño, en Brión, Rois, Ézaro e Muros. Os horarios e máis información sobre este proxecto pódense atopar na súa páxina web www.roteiromaker.com e nas súas redes sociais.

O Roteiro Maker é un proxecto que se realiza en colaboración coa Fundación Española para a Ciencia e a Tecnoloxía – Ministerio de Ciencia e Innovación.

Outros artigos

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...