O alumnado do obradoiro de cociña O Pote II, impulsado polo Concello de Ribeira, efectuou este 2 de xuño unha visita ás instalacións que o Clúster de Acuicultura de Galicia ten no lugar de Couso. Alí tiveron a oportunidade de coñecer os proxectos de I+D en marcha, como o denominado Acuaenergy, para a mellora da competitividade das plantas a través da eficiencia enerxética.
As instalacións do centro divídense en tres zonas de traballo que permiten reproducir a pequena escala todas as fases de cultivo dunha especie dende a reprodución ata o engorde, no que alcanzan a talla comercial desexada. Cultívanse as especies de rodaballo, robaliza, linguado, dourada e mero.
