O Concello de Boiro realiza obras de pavimentado en diversos puntos da parroquia de Cures. O alcalde, José Ramón Romero, e o concelleiro de Urbanismo e Obras, visitaron na mañá deste 11 de xuño o lugar de Pumar do Río para coñecer o estado de execución dos traballos. Estes abéiranse ao proxecto de renovación de pavimentos en Pumar do Rio, Cadarnoxo, Carboeiro, Enseño e Cures, que se realizan con cargo ao Plan de Obras e Servizos da Deputación da Coruña por importe de 73.235,43 euros.
A actuación que se está a realizar entre Enseño e Cures, nun tramo de 5.200 metros cadrados que presentaban deficiencias no pavimento indicativas de deterioro superior do firme, polo que se precisaba dunha rehabilitación superficial para conservar e mellorar as súas características funcionais de seguridade e comodidade, así como a protección do conxunto do firme para aumentar a súa durabilidade.