Noia busca nas tecnoloxías intelixentes unha máis óptima xestión da auga

02 Xuño 2021

A semana pasada celebrouse en Noia un obradoiro para mostrar os usos, mecanismos e posibilidades da plataforma Aquamundam, desenvolvida no marco do programa Interreg V-A España-Portugal. Segundo se fixo saber no Casino de Noia, onde tivo lugar o taller, trátase dunha ferramenta para a xestión e control das redes municipais de abastecemento e saneamento.

No caso de Noia, os integrantes do Departamento de Servizos Públicos tiveron ocasión de coñecer polo miúdo as funcionalidades da plataforma grazas á colaboración coas entidades impulsoras de Aquamundam.

A plataforma vai permitir a nivel local, con total facilidade e dispoñibilidade dos datos, crear o catastro dixital de ambas redes para a súa consulta, actualización ou ampliación; dar de alta varías de xeito inmediato e rexistrar o seu seguimento; o acceso en tempo real aos datos de consumo nos depósitos da ETAP e Augalevada; e a posta en marcha de contadores dixitais intelixentes en parte do casco histórico, conectados á plataforma.

O proxecto

O proxecto AquaMundam: Solucións para a Xestion integrada e sustentábel da auga no espazo POCTEP, ten como obxectivo a protección ambiental a través da mellora na xestión do ciclo integral da auga en espazos transfronteirizos fomentando un uso racional do recurso mediante o desenvolvemento de metodoloxías e ferramentas e a valorización de solucións e técnicas existentes. Entre as entidades impulsoras atópanse o Instituto Tecnolóxico de Galicia (o ITG, socio líder), Augas de Galicia ou a Fundación Cartif. Para máis datos, podemos consultar a páxina web da plataforma.

Outros artigos

A Garda Civil de Noia incauta 1.000 litros de gasóleo bonificado

Garda Civil A Patrulla Fiscal e de Fronteiras (PAFIF) da Garda Civil de Noia incautou 1.000 litros de Gasóleo bonificado no Polígono do Tambre. Os feitos sucederon cando os compoñentes da mencionada Unidade, que se atopaban realizando un servizo na zona, observaron a...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...