En Ribeira o Concello achega un programa de dinamización para persoas maiores

O Concello de Ribeira organiza un programa de dinamización e promoción social das persoas maiores. O ciclo de actividades está dirixido aos adultos de máis de 65 anos e celebrarase en distintas parroquias da localidade: Ribeira, Carreira e Palmeira.

Nas mañás do mes de xullo e as dúas primeiras semanas de agosto, levaranse a cabo diversas conferencias. O 5 de xullo impartirase a sesión Como xestionar o do mediático na Casa da Cultura de Carreira, mentres que o 7 e o 9 de xullo celebrarase na aula Ilustres de Ribeira e o 8 do mesmo mes, na aula de Formación do Polideportivo de Palmeira. Doutra banda, a conferencia sobre As emocións na comunicación terá lugar o 12 de xullo en Ribeira, o 14 e o 16 de xullo en Palmeira e o 15 de xullo en Carreira. Na mesma liña, realizaranse o resto dos obradoiros (Como afectan as preocupacións ao cerebro, Mitos sobre as enfermidades mentais, A perda de memoria pola depresión, Sesión de relaxación) as seguintes semanas.