A Deputación licita por 420.000 euros as obras que rematarán a humanización da avenida de San Campio, en Outes

04 Xuño 2021

A Deputación da Coruña investirá 420.008 euros para rematar as obras de humanización de avenida de San Campio, na Serra de Outes, que, segundo lembra a entidade provincial, “foron paralizadas hai uns anos debido ao incumprimento do proxecto por parte do contratista”.

Debido ao tempo transcorrido e ás melloras con respecto ao proxecto orixinal acordadas co Concello de Outes, foi necesario redactar un novo proxecto técnico, que foi aprobado a finais de 2020.

“As obras contribuirán a mellorar a seguridade peonil na zona mediante a construción de beirarrúas e a dotación dunha nova capa de rodaxe no tramo da DP 5604 que discorre entre o inicio da estrada e o PQ 0+340”, explicou a institución provincial.

O deputado responsábel da área de Vías e Obras, José Manuel Pequeño, lamentou o importante atraso que experimentou esta obra debido á súa paralización por incumprimento do anterior contratista, que obrigou á Deputación á redacción dun novo proxecto, pero engadiu que con esta licitación “damos luz verde de forma definitiva a un proxecto que vai a supor unha importante mellora da seguridade, especialmente para veciños que se desprazan a pé, e tamén vai a mellorar a estética desta travesía da Serra de Outes”.

O proxecto inclúe ademais a renovación dos servizos de saneamento e abastecemento de auga, recollida de pluviais, e canalización do alumeado, así como a reposición da sinalización horizontal e vertical. Estas novas redes de servizos emprazaranse baixo as beirarrúas no caso do saneamento, abastecemento e alumeado e baixo as zonas de estacionamento no caso da rede de pluviais.

O pavimento das beirarrúas estará formado por tella (loseta) hidráulica sobre base de formigón e saburra (zahorra) artificial. En canto ao pavimento da estrada executarase con mestura bituminosa en quente de 5 cm de espesor, previo fresado e reparación do firme nas zonas onde se atope máis deteriorado.

As obras terán un prazo de execución de seis meses.

Outros artigos

Incendio no estaleiro de ribeira na Barquiña no concello de Outes

Dotación de bombeiros do Consorcio Contra Incendios e Salvamento de A Coruña con base en Boiro e Ribeira xunto Ges de Noia e Garda Civil intervimos en incendio de Asteleiro de Ribeira na Barquiña no Concello de Outes. Ao redor das 02:37 horas rexistrouse un incendio...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....