A Bienal de Arquitectura e Urbanismo premia obras de Ribeira, Outes e Muros

29 Xuño 2021

Finalmente O Barbanza pasará á historia da Bienal Española de Arquitectura e Urbanismo (BEAU) grazas ao importante número de propostas dos nosos concellos (Ribeira, Outes, Muros) que veñen de ser recoñecidas na XV edición do certame. Estamos a falar da convocatoria Panorama de Obras, na que tamén foron distinguidas dúas importantes contribucións de Bandeira e A Coruña. En total, contando todas as propostas do ámbito estatal, resultaron premiadas 20 obras (sendo 70 os finalistas).

O Banco do Piñeiro en Ribeira

A entrega de premios celebrouse este luns 28 de xuño no Pavillón Mies van der Rohe de Barcelona, sede que acollerá ata o 16 de setembro unha das exposicións desta mostra que se celebrará de maneira paralela do 2 de xullo ao 10 de outubro no Museo de Arte Contemporáneo Español Patio Herreriano de Valladolid. A esta dobre sede física da Bienal Española de Arquitectura y Urbanismo únese nesta edición un terceiro espazo que se converterá en sede virtual desde a que seguir todas as novidades.

O conxunto turístico de Albeira, en Outes

Elixidas segundo criterios de calidade, pertinencia, vocación social e cultural ou innovación, as obras premiadas na categoría Panorama de Obras de Arquitectura e Urbanismo recollen unha visión xeral da produción arquitectónica, paisaxística e urbanística levada a cabo polos arquitectos españois e galegos nos últimos tres anos. Tal e como explica o xurado: “Son obras que responden aos retos da sociedade, que se vinculan e enraízan cos lugares onde se asentan e que aportan solucións para mellorar o contexto social e cultural no que operan”.

Rehabilitación de vivenda e Miraflores, Muros

A decana do Colexio de Arquitectos de Galicia (COAG), Elena Ampudia, sinala que con este recoñecemento a arquitectura galega volve ser recoñecida a nivel nacional, xa que unha cuarta parte dos premiados da BEAU son galegos, “o que demostra que a arquitectura galega é distintivo de calidade e respecto polo contorno construído”.

O Campo de A Gandadeira en Silleda

En detalle, as cinco obras galegas premiadas son: o Campo de Fútbol de A Gandareira, situado no límite do casco urbano do lugar de Bandeira, concretamente na parroquia de Manduas do concello de Silleda, nun espazo indefinido entre o rural e o urbano, nesa xeografía dispersa que tanto caracteriza ao hábitat galego, é obra dos arquitectos Abraham Castro Neira e Carlos Alberto Pita Abad; o Banco do Piñeiro, proxecto de Carlos Seoane para xerar camiños nun contorno onde se unen valores patrimoniais diversos –históricos, paisaxísticos e botánicos–, situado en Castro da Cidá na estrada de Ribeira a Carreira; Tribuna Pública, instalación temporal na praza situada nas inmediacións da Fábrica de Tabacos da Coruña, un espazo permeábel de encontro para a cidadanía, obra do estudio Flu-or Arquitectura e a arquitecta Alba González; a Rehabilitación de vivenda unifamiliar en Miraflores no concello de Muros, obra dos arquitectos Iago Fernández Penedo e Óscar Fuertes Dopico que dan forma a unha idea de proxecto que busca resaltar a súa identidade, dignificando o preexistente e creando un espazo interior fluído e bañado pola luz e dirixido ás vistas; e o Complexo Turístico de Albeida, intervención hoteleira no lugar de Albeida no Concello de Outes, no vértice da ría de Muros e Noia, con nove aloxamentos exentos e de nova planta que deben complementar a rehabilitación de catro construcións tradicionais, obra de Alfonso Salgado e Francisco Liñares.

A Tribuna Pública na Coruña

Vertebrada ao redor do lema España Vacía, España Llena. Estrategias de conciliación, esta edición da BEAU trata de ofrecer unha panorámica que contribúa ao achegamento e a reflexión sobre as capacidades de conciliación que poden ter a arquitectura e o urbanismo respecto das dúas realidades territoriais que existen no país: a dunha España densa, dinámica e poboada, e a doutra con menor densidade, máis invariábel e deshabitada.

Podemos ver a listaxe completa de finalistas na web da Bienal.

Outros artigos

Ciro Briones presenta na Pobra o ensaio “Da caverna a acrópole”

O público da Pobra do Caramiñal asistiu na tarde do 12 de abril á presentación do ensaio Da caverna a acrópole. Un camiño cara a educación crítica, de Ciro Briones. Con esta obra, o autor une filosofía e ensinanza, poñendo o foco na importancia da construción do...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...