Posíbeis cambios na presión da auga en Ribeira este mércores por mor das obras no García Bayón

O Concello de Ribeira informa de que “debido ás obras de renovación da rede de abastecemento que se están realizando no parque García Bayón, este mércores 2 de xuño entre as 0:00 e as 6:00 se vai efectuar unha intervención na liña de auga”.

Con tal motivo, dende o Concello adiantan a posibilidade de “que tanto nas zonas altas do casco urbano da cidade como na parroquia de Castiñeiras se perciba unha menor presión de auga que a habitual no caso de que haxa un elevado consumo”.