A iniciativa posta en marcha pola Concellería de Xuventude de Ribeira, que promovía as partidas gratuítas de láser tag para a mocidade, concluirá esta fin de semana nas parroquias de San Martiño de Oleiros, e San Xián de Artes.
O programa iniciouse en Semana Santa e acolleu a un total de máis de 330 mozos e mozas que se animaron a participar ata agora arredor das sete parroquias polas que se desenvolveu a actividade.
As xornadas que rematan este sábado 29 en Oleiros, e o domingo 30 en Artes, abren a súa inscrición para todos aqueles interesados en participar nestas derradeiras partidas gratuítas de láser tag. A solicitude pódese realizar enviando un correo a xuventude@ribeira.gal ou chamando por teléfono ao 981 831 754.
