O sol e as altas temperaturas rexistradas este domingo en gran parte de Galicia encheron as praias da comarca que nalgúns casos rexistraron unha elevada afluencia de persoas que acudiron a tomar o sol e darse un baño.
Aínda que o verán non empeza oficialmente ata o 21 de xuño, esta última fin de semana de maio Galicia rexistrou temperaturas propias desta estación.
Segundo a información de Meteogalicia, a temperatura mais alta da comarca rexistrouse en Cespón en Boiro onde se superaron os 29 graos e en Ribeira ós 27. A cidade de Ourense rexistrou unha máxima de 33 graos e a de Pontevedra, de 30, mentres que Vigo chegou aos 27 graos; e Lugo e Santiago de Compostela, aos 25 graos. Ferrol quedouse en 24 graos e A Coruña, en 22 graos.
PROGNÓSTICO LUNS 31 DE MAIO
O luns a comarca terá unha xornada de inestabilidade atmosférica pola presenza de aire cálido en superficie e aire frío en capas altas da atmosfera. Así, o ceo estará despexado en xeral pola mañá e co avance da xornada teremos nubes de evolución que deixarán chuvascos. As temperaturas mínimas ascenderán lixeiramente, nas máximas, o ascenso será moderado no terzo norte. O vento soprará frouxo, do nordés no litoral norte e de dirección variable no interior.
O NOSO MAR: Vento variable á mañá e á noite e do noroeste á tarde, forza 1 a 2 á mañá e á noite e 2 a 3 á tarde. Mar rizado á mañá e á noite e mar ovellado á tarde. Visibilidade boa á mañá e á tarde e regular á noite. Mar de fondo do noroeste, con ondas de 0.5 a 1.5 metros.
Mareas
| Muros | ||
|---|---|---|
| Hora* | Altura | |
| Baixamar | 02:30 | 0.8 m |
| Preamar | 08:48 | 3.2 m |
| Baixamar | 14:44 | 1.1 m |
| Preamar | 21:06 | 3.4 m |
| Vigo | ||
|---|---|---|
| Hora* | Altura | |
| Baixamar | 02:21 | 0.8 m |
| Preamar | 08:39 | 3.1 m |
| Baixamar | 14:36 | 1.2 m |
| Preamar | 20:59 | 3.4 m |
| Vilagarcía | ||
|---|---|---|
| Hora* | Altura | |
| Baixamar | 02:25 | 0.8 m |
| Preamar | 08:43 | 3.1 m |
| Baixamar | 14:40 | 1.1 m |
| Preamar | 21:03 | 3.4 m |
