O programa Primavera Xove da Xunta de Galicia celebrou este 21 de maio unha nova xornada nos Espazos Xove de Viveiro, Chantada e Noia. No caso da localidade da nosa comarca, a xornada comezou cun faladoiro para dar a coñecer o potencial creativo da xuventude da contorna. A esta actividade seguiulle, tamén en Noia, un obradoiro de graffiti no que se pintou un muro.
A programación levada a cabo neste Espazo Xove tamén incluíu unha proposta para crear música con froitas e, por último, un reto dobre de canastra.
Cristina Pichel, directora xeral de Xuventude, salientou “a importancia deste tipo de actividades, enmarcadas no programa Primavera Xove, unha iniciativa innovadora posta en marcha este ano, que ao longo de todos os venres do mes de maio leva celebrando, e celebrará, unha feira de ocio educativo para a mocidade da súa contorna nos diferentes Espazos Xove”.
