Na Pobra comezan as obras de mantemento das gradas do estadio da Alta


O Concello da Pobra do Caramiñal vén de anunciar o inicio das actuacións de mantemento nas gradas do estadio municipal da Alta. As tarefas focalízanse na reparación das deficiencias detectadas na estrutura das gradas e substitución da actual cubrición por pranchas metálicas, co fin de ofrecer unha mellores instalacións a
deportistas e público.
As obras incluirán o pavimentado do corredor posterior da grada e muro de peche nos módulos que están abertos polo seu flanco sur, así como efectuar o pintado desta mesma zona. Ademais dotarase dunha canalización de recollida de pluviais da cuberta e está previsto o acondicionamento da varanda metálica situada na parte frontal.
A actuación conta cun orzamento que ascende a 89.967,69 euros e ten como prazo de execución previsto dun total de dous meses.