Lousame recupera as actividades culturais en maio con gallo das Letras Galegas

07 Maio 2021
Na imaxe, a concelleira de Cultura, Silvia Agrafojo, e o técnico de Cultura, Eduardo Agraso

O Concello de Lousame presentou o seu programa cultural das Letras Galegas, unha axenda con actividades seguras moi destacadas tanto dende o punto de vista cualitativo como, tamén, cuantitativo. Segundo fixo saber o Goberno local, o prato forte da programación deste mes de maio será o sábado 15 de maio na praza do Concello, onde se celebrará a XIX Festa do Galego con actividades lúdicas para nenos e nenas con obradoiros culturais Infantilandia, música a cargo do picadiscos infantil Marífaltri e coa animación de Fantoches Baj con Os velocíclopes. O obxectivo é que “sexa unha xornada educativa na que a cativada afonde na cultura dun xeito divertido”. Ademais nesta xornada tamén se difundirá a exposición Xela Arias, Aquela nena de Sarria.

As entradas para a Festa do Galego serán únicas para todo o evento (non poderán dividirse por actividade) e xestionáranse a través do BandoTicket.

Método de inscrición e medidas de seguridade

Dende o departamento de Cultura xestionan a ocupación e as capacidades máximas con este sistema dixital, o BandoTicket, a través do que os usuarios e usuarias poden conseguir as entradas para os eventos que se celebren no municipio. A iniciativa púxose en marcha coa recepción dos Reis Magos e “permite que as persoas que queiran asistir a un evento local poidan retirar de xeito gratuíto a súa entrada a través desta plataforma”, explicou o Concello, engadindo que “tras realizar o rexistro os usuarios reciben un correo electrónico na súa conta persoal, no que se lles facilita o acceso a un código QR, que o día do acto deben mostrar para a súa verificación na propia xornada antes de acceder ao espazo do evento”.

A través destas actividades, o Executivo local de Lousame pretende recuperar, “con moita cautela e con estritas medidas de seguridade sanitaria”, a actividade cultural no municipio. “A nosa intención é volver ofrecer cada vez máis propostas culturais á veciñanza. Se ben, a seguridade é o primeiro para nós, polo que sempre daremos prioridade ás normas determinadas polas autoridades sanitarias”, explicou Silvia Agrafojo, concelleira de Cultura.

Máis actividades

O Concello tamén fixo saber que a tradicional homenaxe á figura de Zernadas de Castro cunha ofrenda floral, terá lugar ás 12.00 horas a carón busto do cura de Fruime, se “ben este ano polas medidas de seguridade sanitaria non será un acto público senón que se difundirá posteriormente a través das redes sociais”.

En relación con Zernadas de Castro, o departamento de Cultura deseñou unha mostra virtual e física con diferentes paneis sobre este promotor do coñecemento na sociedade local. A exposición inaugurarase na Casa da Cultura o 28 de maio, e estará dispoñíbel para visitas durante dous meses.

Pola súa banda, o Club de Xubilados inaugurará o 17 de maio ás 12.00 horas unha exposición fotográfica na súa sede. A mostra está destinada a converterse nunha exposición permanente.

Dende a concellaría de Cultura tamén prepararon recursos didácticos a través do porta Lingua.gal a través do Fondo de Proxectos Culturais do Xacobeo 2021. Así, Xacobeando quedará publicado o 5 de maio, o Circo Atlántico o día 19 e Falar sen Cancelas o día 26 de maio.

Outros artigos

Convocados os “Premios da Cultura Galega 2024”

A Xunta de Galicia convoca os Premios da Cultura Galega 2024, certame que recoñece o labor creativo e a súa expansión nos novos espazos actuais desde a súa primeira edición, en setembro de 2010. As oito modalidades convocadas son as de Letras, Artes Visuais, Artes...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...