En Ribeira desaloxados 25 mozos dunha festa privada

16 Maio 2021

Unha patrulla da Policía Local de Ribeira, coa colaboración dos axentes da comisaría, procederon a identificar e, posteriormente, desaloxar a 25 mozos, a maioría tiñan entre 15 e 17 anos -tamén había unha nena de 13 e un mozo que roldaba a vintena-, que participaban nunha festa privada nun local hostaleiro situado na zona da movida de Bandourrío. Foi pouco antes das 18.00 horas cando no lugar compareceron dous axentes municipais que, nun primeiro momento, chamaron á porta doutro establecemento contiguo que aínda estaba pechado ao público, e tras abrirlles púidose comprobar que alí só estaban a dona e os seus filloas. Segundo informa Diario de Arousa foi entón cando se dirixiron ao outro local, ao que entraron xunto cunha patrulla da Policía Nacional. Ademais dos 25 identificados, segundo indicaron algunhas testemuñas, podería haber outras 30 ou 35 persoas máis, pero fuxiron do inmoble polo tellado.

Na rúa puidéronse xuntar ao redor de 35 mozos, pero dunha decena non había constancia de que estivesen dentro do local, polo que non se lles identificou. Os axentes empezaron a chamar aos pais dos menores identificados para que se fixesen cargo deles, pero non se puido localizar a todos ao non contestar o teléfono. Ademais, da nena de 13 anos fíxose cargo un adulto para levala á súa casa, debido a que tardaban moito en ir recollela.

Segundo fontes policiais recollida polo diario de Vilagarcía, un dos propietarios do local é unha concelleira da corporación municipal ribeirense, á que algúns veciños viron ao mediodía polo inmoble para que puidese contar con subministración eléctrica, pois carecía do mesmo ao estar pechado como consecuencia das restricións do lecer nocturno por mor da pandemia, e dese xeito puidésese celebrar a festa. As forzas actuantes indicaron que a referida edila indicoulles que ela tiña coñecemento de que se ía a celebrar unha pequena festa de aniversarios na que participaba o seu fillo e que habería pouca xente.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....