A Marea Cidadá de Noia rexeita a posta en marcha do cobro polo uso das autovías

Dende o grupo municipal da Marea queren amosar o seu rexeitamento ante a intención de cobrar polo uso das autovías, rexeitamento que, afirmán, farán chegar a diferentes instancias da Administración Pública co obxectivo de exercer a maior presión posible.

Na Marea son conscientes da necesidade de financiar o mantemento das infraestruturas, pero entenden que a carga fiscal non pode caer precisamente sobre a poboación con menos recursos e menos servizos. No caso de Noia, por exemplo, o coche é de uso obrigado en moitas circunstancias para trasladarse por motivos de saúde ou laborais a
poboacións como Ribeira e Santiago, debido á falta de uns servizos de transporte públicos de calidade.

Dende o grupo noiés afirman que este tipo de medidas só servirán para dificultar aínda máis a vida nas poboacións medianas e pequenas, empobrecendoas aínda máis e contribuíndo a expulsar a cada vez máis poboación cara as cidades.

Na Marea entenden que é necesaria unha aposta firme e seria pola mellora dos servizos de transporte público, a mellora das conexións e a accesibilidade a vehículos con menor impacto ecolóxico.