A asociación empresarial Noia Histórica compartiu nas redes as bases do seu Concurso de Balcóns, unha iniciativa para impulsar a revitalización social e turística da vila a todos os niveis, a través da que se convida á veciñanza a engalanar as súas xanelas con fores, macetas e ornamentación natural.
O certame, lanzado baixo o cancelo #concursodebalcóns, achegará premios de até 300 euros.
As persoas que queiran participar no concurso poderán facelo até este 28 de maio. Terán que enviar os seus datos persoais á conta administracion@noiahistorica.org ou a través do teléfono 981 824 764. O xurado fallará os premios o vindeiro 1 de xuño. Teranse en conta elementos como a combinación de cores, a variedade vexetal e o deseño das contribucións.
