Este 9 de abril a Casa da Cultura de Boiro vai dar acollida a un espectáculo gastronómico-teatral para público familiar (para nenas e nenos de máis de tres anos). Trátase da comedia musical Ummm!!, que vén da man de Teatro Avento e que se presenta como como unha obra para “chupar os dedos”, poñéndonos na pel de Ana, dependente da pastelería de Remedíos e principal culpábel (pola súa teima de non facer máis que bolos de crema) da caída de ingresos do establecemento. A cousa cambiará no intre en que a propietaria decide contratar un novo axudante para que contribúa ao negocio coas súas “novas ideas”.
Ummm! mestura cancións, bailes e cores para achegarnos, segundo informa Teatro Avento, “unha historia sobre as diferenzas, a autenticidade e o valor de traballar en equipo”.
O espectáculo, que está previsto para as 20.00 horas, vén con aforo limitado.
Entradas na Casa da Cultura, o mesmo día da función, a partir das 16.30 horas.