A antiga corredoira pública situada na zona de A Garita volve a estar transitada e en boas condicións logo de que a brigada municipal levara a cabo unha intervención no espazo.
O traxecto que descorre en dirección á Poi atopábase parcialmente inaccesíbel a causa da maleza e o seu desuso ao longo de estes últimos anos. Estes traballos van permitir que a zona de A Fieiteira / A Garita, un dos principais espazos de lecer no ámbito municipal, sexa máis accesíbel de cara ao público.
Os operarios municipais foron os encargados de rozar e limpar o camiño co fin de que toda a xente que ten costume de camiñar entre a natureza amplíe a súa ruta e así preservar un elemento do noso patrimonio tradicional que permanecía oculto.
