O BNG ribeirense vén de presentar unha serie de alegación ao Plan Reitor de Usos e Xesitón (PRUX) do Parque Natural co obxectivo de que a Xunta realice máis investimentos para a conservación da natureza, resolva as demandas veciñais e promova actuación que revitalicen a zona natural.
Desde a sede nacionalista destacan a necesidade de realizar unha memoria económica concreta para compensar ás persoas afectadas, propietarias de terreos e titulares de dereitos consolidados, ás que se lle limita o desenvolvemento das súas actividades e que estean en disposición de vender os seus terreos para que estes sexan adquiridos pola Xunta.
Así, no eido urbanístico solicitan que o PRUX teña un maior nivel de concreción, permitir a construción de vivendas unifamiliares en núcleos consolidades e de poboación e acordes á preservación da zona natural e garantir os dereitos das persoas propietarias. Ademais, formulan incluír partidas económicas dirixidas ás persoas propietarias de terreos dentro de zona protexida destinadas a mantemento de muros, valados e sendas, así como ó fomento do cultivo, gandaría e calquera outro tipo de actividades respectuosas co medio ambiente.
Doutra banda o BNG propón aumentar os investimentos e o programa financeiro do Parque até chegar a unha cifra que permita devolver actuación de preservación dos valores naturais, recuperación de espazos degradados, eliminación de especies exóticas ou educación ambiental. Ademais, demandan un maior número de persoal para garantir a seguridade dos parques, así como a mellora dos paneis informativos e indicativos do Parque.
Por último, Pérez Barral propón aumentar as figuras de protección que actualmente teñen o río de Artes, Sirves, o rego da Cidade ou o rego do Vilar, ademais de tamén propoñen a posta en valor do patrimonio cultural e etnográfico como muíños, mámoas a telleira ou a mina de volframio.
