O alcalde de Ribeira Manuel Ruiz Rivas mantivo esta mañá unha reunión coa deputada autonómica Ana García Vidal, quen acudiu á capital do Barbanza interesada polas necesidades do municipio, sendo tres os principais focos da xuntanza: o novo polígono industrial, a variante e a preocupación da flota artesanal ante a reforma do Regulamento de
Control da UE.
No que se refire ao primeiro punto, o alcalde manifestou a García Vidal o interese en que se inclúa dentro do Plan Sectorial de Ordenación de Áreas Empresariais da Xunta de Galicia tanto o novo polígono que se vai construír en Fontenla-Pedras Vermellas (parroquia de Palmeira) como a súa ulterior ampliación. Neste senso, o rexedor explicou á representante do Parlamento de Galicia que froito dunha consulta lanzada ao mercado se constatou o interese en ocupar arredor de 215.000 metros cadrados, o que farían insuficientes os 158.000 metros cadrados inicialmente previstos, razón pola que o Concello xa está a traballar na creación doutros 129.000 metros nunha zona aledaña e que lindaría ademais co denominado Parque empresarial de A Barbanza, popularmente coñecido como macropolígono.
No que atinxe á variante, a deputada informou de que sigue a tramitación ambiental e que se prevé que a contestación de alegacións teña lugar antes de que principie o verán.
Flota Artesanal
Por último, Manuel Ruiz transmitiu a preocupación do sector da flota artesanal ante o proxecto de reforma do Regulamento de Control da UE. Ana García, en tanto membro da Comisión de Pesca, trasladou pola súa parte que o Grupo Parlamentario Popular coincide con esta postura e así se está a traballar na defensa dun sector produtivo
esencial dentro do tecido económico galego.
O concello de Boiro promove un curso de monitorado de tempo libre para este verán
Entre o 19 de agosto e o 29 de setembro do 2024 o Concello de Boiro poñerá en marcha un curso de monitorado de tempo libre adicado á mocidade. O obxetivo principal do curso é fomentar a inserción laboral entre a xente máis nova centrándose en diferentes áreas de...