O Concello da Pobra vén de aplicar provisionalmente dende o día 26 de abril o sentido único de circulación na dirección A Pobra-Boiro, na rúa 2 da Ribeiriña, correspondente cun dos tramos do Camiño Real.
Esta medida busca darlle solución aos problemas de fluidez de tráfico rodado existente na referida vía, dado que o tránsito en ámbolos dous sentidos nunha rúa de tal estreiteza convértese nunha tarefa difícil á hora de atoparse dous vehículos simultaneamente. A modificación débese ás demandas de varios residentes da zona, polo que logo de pasadas tres semanas, o Concello realizará unha consulta ós veciños para analiza-lo seu nivel de conformidade con respecto aos resultados desta medida e así tomar unha decisión final de maneira consensuada.
Pola súa parte, o alcalde, Xosé Lois Piñeiro, manifestou que se procederá a acondiciona-la conexión final da rúa 2 coa AC-305 para facilita-la incorporación á estrada e lembrou que a saída cara á Pobra no sentido contrario non está permitida, dada a existencia dunha liña continua.
