O Concello de Noia informou do desenvolvemento de diversos traballos para acondicionar diferentes edificios e equipamentos públicos municipais.
Un destes edificios é o Coliseo Noela, que foi obxectivo dunha limpeza integral da fachada, das escaleiras de acceso e dos soportais. Aproveitouse para eliminar as pintadas das paredes que afeaban a estética do inmóbel e, no interior, procedeuse á reparación do falso teito, instalando rexistros para telecomunicacións.
Amais do Coliseo Noela, tamén se puxo a punto o exterior do Consistorio e máis a estatua de Felipe de Castro. Estes traballos leváronse a cabo as pasadas semanas.