Unha persoa resultou ferida esta mañá no termo municipal de Lousame ao colidir contra unha árbore o coche que conducía.
O único ocupante do vehículo accidentado, que quedou atrapado no interior do vehículo, tivo que ser liberado polos Bombeiros da Boiro.
Os feitos tiveron lugar en Chave, moi preto do límite entre os concellos de Lousame e Boiro, ao fío das 09:30 horas.
Foi, a esa hora, cando unha persoa particular deu conta do accidente ao 112 Galicia. Decontado, os xestores do CIAE 112 Galicia solicitaron a intervención de Urxencias Sanitarias de Galicia-061, da Garda Civil de Tráfico, dos Bombeiros de Boiro e de Ribeira ademais dos membros do GES de Brión. Do mismo xeito, informouse aos voluntarios da Agrupación de Voluntarios de Protección Civil da localidade.
