Comezaron os traballos para pavimentar a rúa Calzada en Noia

Este luns 5 de abril deron comezaron en Noia os traballos para renovar a capa de rodaxe da rúa Calzada, concretamente o treito comprendido entre a rúa Outonil e Vista Alegre. Segundo informou o Concello, os ditos labores (que constitúen a recta final da renovación da dita rúa da Calzada, un proxecto que inclúe a mellora das redes de abastecemento e pluviais, do pavimento, da canalización do alumeado público, da sinalización e da accesibilidade) estenderanse até o mércores desta mesma semana, “polo que o viario ficará pechado á circulación ata que rematen os traballos na mesma”.

Logo do pavimentado da rúa está previsto un substituír as luminarias antigas de vapor de sodio por lámpadas LED máis sustentábeis e eficientes. Por outra banda, limitarase a velocidade a 30 km/h, unha disposición que o Concello quere estender a toda a rede viaria urbana. A actuación está financiada con achegas da Deputación e fondos municipais, e inclúe un orzamento total de máis de 200.000 euros.