A Consellería do Mar, a través de Portos de Galicia, vén de asinar o contrato para a execución das obras de mellora de defensas e escalas nos porto de Ribeira. A Xunta inviste preto de 450.000 euros nesta actuación, que tamén inclúe aos portos de Muxía e Camariñas. A iniciativa ten programado un prazo de execución de cinco meses desde
a sinatura da acta para o inicio da obra.
Os traballos levaranse a cabo debido ao estado no que se atopaban os portos por mor do deterioro sufrido pola acción do mar. Así, no peirao de Ribeira proxectaranse 37 novas defensas de protección verticais, separadas seis metros cada unha no peirao da antiga lonxa, e outras 18, tamén con seis metros de distancia entre elas, na zona de
atracada da fábrica de xeo. Para a instalación destes elementos retiraranse os anteriores, de rosario. Ademais instalaranse catro escalas de gato e dúas de aceiro incrustadas no paramento.
