A naturalista Odile Rodríguez de la Fuente acudirá a Ribeira nos actos polo Día Mundial da Terra

O Concello de Ribeira convocou unha serie de actos conmemorativos do Día Mundial da Terra, aos cales acudirá a naturalista e bióloga Odile Rodríguez de la Fuente, filla do coñecido Félix Rodríguez de la Fuente. A primeira tenente de alcalde María Sampedro foi a encargada de anuncialo durante a presentación do programa de actividades como
motivo da data.
Así, os eventos terán como inicio o mércores 21 ás 19 horas cunha recepción pública na praza do Concello. Máis tarde, a comitiva desprazarase ata a praza de España, onde a convidade Odile estampará súa firma nun mural en homenaxe a Félix, célebre polo seu programa de TVE El hombre y la tierra, un dos principais motivos polos que millóns de persoas se interesaron pola educación ambiental.
Os actos continuarán o xoves 22, Día Mundial da Terra, ás 10 horas cando a bióloga se reunirá cos diferentes escolares dende o CEIP Frións. A cita tratarase dunha charla-coloquio na que se incluirán preguntas formuladas polo alumnado, e será retransmitida por streaming a través da conta de Youtube do Concello.
O programa de actos concluirá con dúas visitas a dous lugares representativos do patrimonio natural do municipio: o miradoiro de Pedra da Ra, ás 11 horas, con vistas ao parque natural de Corrubedo e a ría de Arousa; e a illa de Sálvora, ás 12 horas, enclavada no Parque Nacional Marítimo Terrestre Illas Atlánticas de Galicia.