A Deputación dedica 900.000 euros ao servizo de limpeza de praias de 41 municipios entre eles os da comarca

Praia de Coroso. Ribeira. Joferpa

A Deputación da Coruña inviste este ano 900.000 euros nos 41 municipios costeiros para financiar os servizos de limpeza de praias. A concesión provisional destas axudas recóllese no Boletín Oficial da Provincia (BOP).

A través das subvencións, o ente provincial busca apoiar aos concellos coruñeses no sostemento dos gastos de contratación do persoal que se encargará este verán da limpeza dos areais coruñeses, así como a adquisición do material necesario, vestiario ou combustible dentro do periodo comprendido entre os meses de abril e outubro (incluídos).

Segundo explicou o presidente da Deputación da Coruña, Valentín González Formoso, “o programa contribuirá, un ano máis, á mellora da imaxe das praias coruñesas de cara á tempada estival, e axudará tamén á creación de emprego durante os meses de verán”.

González Formoso destacou que A Coruña é a provincia española con máis quilómetros de costa e que as praias dos concellos costeiros son un dos principais atractivos turísticos. “Deste xeito, a Deputación apoia aos concellos da provincia para que os nosos areais estean en condicións óptimas para este verán”, sinalou.

Beneficiario: CONCELLO DE BOIRO
Obxecto: SUBVENCIONS PARA A LIMPEZA DE PRAIAS MARITIMAS NO ANO 2021 (CONTRATACION EXTERNA)
25.542,42 €
Beneficiario: CONCELLO DE MUROS
Obxecto: LIMPEZA DE PRAIAS MARITIMAS CONCELLO DE MUROS, ANUALIDADE 2021
24.919,44 €
Beneficiario: CONCELLO DE NOIA
Obxecto: Limpeza de praias marítimas
20.109,16 €
Beneficiario: CONCELLO DE OUTES
Obxecto: LIMPEZA DA PRAIAS MARITIMAS DO CONCELLO DE OUTES ANO 20216.768,00 €
Beneficiario: CONCELLO DE PORTO DO SON
Obxecto: Limpeza de praias marítimas Porto do Son 2021
29.591,83 €
Beneficiario: CONCELLO DE RIANXO
Obxecto: LIMPEZA DE PRAIAS- ANUALIDADE 2021
22.116,00 €
Beneficiario: CONCELLO DE RIBEIRA
Obxecto: LIMPEZA DE PRAIAS MARÍTIMAS DO CONCELLO DE RIBEIRA 2021
27.722,87 €
Beneficiario: CONCELLO DA POBRA DO CARAMIÑAL
Obxecto: CONTRATACIÓN PERSOAL LIMPEZA DE PRAIAS 2021 (CONDICIONADA)
23.361,97 €