A ARE e o Concello de Rianxo xuntan forzas para promover a economía local

A Asociación Rianxeira de Empresarios (ARE) e o Concello de Rianxo van promover a economía local. Así o estipularon este 22 de abril, nunha reunión na que trataron temas como as necesidades dos locais e as alternativas que axudarán a dinamizar a economía. Ademais, analizouse o estado da plataforma de venta en liña Mercarianxo.gal e das melloras e novas que se están a realizar na web, pois o obxectivo é “facela máis atractiva e operativa para os clientes e vendedores”.

Doutra banda, falouse do compromiso do Concello de seguir colaborando coa ARE, co fin de potenciar a ferramenta na que ten cabida todo o sector empresarial rianxeiro. De feito, a ARE elaborou uns expositores de códigos QR que se repartiron entre a hostalería para que os clientes poidan acceder á carta online de cada establecemento.

Nos vindeiros meses, levaranse a cabo actividades e reunións para conxugar os programas de cada entidade e organizar e pactar conxuntamente as datas destas iniciativas.