A ANPA Caramecheiro cambia de localización dúas actividades da súa Primavera Cultural

Cartaz actualizado da actividade de regueifa

Por mor da complexa situación sanitaria que estamos a vivir, a ANPA Caramecheiro do IES Nº1 de Ribeira tivo que facer cambios en dúas das moitas actividades incluídas no programa Primavera Cultural, unha completa axenda de espectáculos, obradoiros e charlas dirixidas ao alumnado do dito centro educativo, aos docentes e ás súas familias. Un dos cambios é relativo ao á sesión programada sobre regueifa, a actividade Poesía oral improvisada en igualdade que se desenvolve este 24 de maio. Así, no canto do Auditorio Municipal de Ribeira, celebrarase no patio do IES Nº1.

O mesmo vai acontecer coa charla O día que as mulleres gobernemos o mundo, prevista para o vindeiro 10 de maio en dúas quendas (ás 12.30 e ás 17.30 horas). Asi, no canto de no Auditorio Municipal de Ribeira, tamén se celebrará no patio do IES Nº1. Organiza a ANPA en colaboración co IES de Coroso e o Concello de Ribeira.