O Concello de Ribeira levará a cabo a renovación de 1,2 quilómetros de tubaxes de saneamento no lugar de A Mámoa. Esta actuación ten como obxectivo dar unha solución definitiva ós problemas de avarías na rede.
Así, os servizos técnicos do municipio elaboraron un proxecto para esta zona que sufre avarías con certa frecuencia na rede. O plan vai dirixido a substituír á actual liña de fibrocemento por outra de polietileno de alta densidade. Deste xeito, instalaranse dúas tubaxes deste material a ambas marxes da estrada DP-7305, así como está prevista a colocación de nove válvulas de comporta, dúas de baleirado e 5 ventosas, e renovar 33 acometidas domiciliarias.
As obras supoñen un investimento total de 148.547 euros e un prazo de execución de dous meses. Tódalas empresas interesadas dispoñen ata o 23 de marzo para presentar a súa oferta a través do SILEX.