Porto do Son pasa a nivel 2. Sanidades abre a área sanitaria de Ferrol. Permanecen pechadas Coruña e Pontevedra. Catro mortos elevan a 2.256 as vítimas

O Comité clínico que fai seguimento da evolución da covid-19 en Galicia vén de propoñer, na súa reunión deste martes, abrir o peche da Área sanitaria de Ferrol, que pasa a nivel medio e recuperará a mobilidade co resto de Galicia.

As áreas sanitarias da Coruña e de Pontevedra continúan pechadas, con todos os seus concellos en nivel alto. Tamén quedan neste nivel os concellos de Cariño, Guitiriz, Lourenzá, Pobra de Brollón, Tordoia, Porto do Son, Mos, Mondariz, Pazos de Borbén e Boborás.

O resto dos concellos galego quedan en nivel medio.

Todas estas medidas entrarán en vigor ás 00,00 horas do venres día 5 de marzo.

Por outra banda Sanidade informou do falecemento de catro persoas que foran diagnosticadas con coronavirus.

Día 1
Home de 74 anos no CHUAC
Muller de 76 anos no CHUO

Día 2
Home de 84 anos no CHUF. Procedía da residencia de maiores Laraxe (Cabanas)
Home de 89 anos no CHUVI

Todos eles tiñan patoloxías previas.