O Kempo Pobra participaba por primeira vez no Campionato Galego de Grappling cuns resultados moi positivos. Así na categoría júnior, *Álex Pérez, no peso de ata 58 quilos, e Adrián Pego, en ata 66 quilos, colgáronse a medalla do ouro. Ademais, a Pérez acompañouno no podio como segundo clasificado o seu compañeiro Adrián Sánchez.
Paula Oubiña foi segunda no peso de ata 54 quilos. Na categoría cadete Juan Vicente e Yeray Martínez foron primeiro e segundo, respectivamente, no peso de ata 69 quilos. Por outra banda, a Federación Española de Loitas Olímpicas entregou a Paula Oubiña, Alex Pérez, Adrián Sánchez, Adrián Pego e Miguel Pérez o certificado de monitor nacional de loita grappling de nivel 1. Ademais, Miguel Pérez e Maikon Lapa obtiveron a titulación de monitor nacional de artes marciais mixtas de nivel 1.
