A compañía Apatacón trae ao Elma neste domingo 14, ás 19.00 horas, o espectáculo Por unha peseta. Trátase dun traballo “onde a voz narrada e cantada se achegan para atopar canto vale unha peseta”.
Historias da vida recollidas no noso contorno e que nos achegan en partes iguais ao humor, á sensibilidade e á tenrura propias da nosa xente.
Organizada pola Concellaría da Cultura da Pobra do Caramiñal en colaboración coa Rede Cultural da Deputación da Coruña, esta actividade transcorrerá seguindo as medidas implantadas por mor da COVID-19, polo cal as persoas interesadas deben face-la súa reserva na casa da cultura e xuventude Raquel Fernández Soler ou a través do teléfono de contacto 981831545.
