O CF Noia arranca súa posta a punto contra o Victoria

O CF Noia terá a súa primeira proba mañá domingo ás 12:00 horas nun amigable fronte ao Victoria. O equipo noiés, que leva unha semana adestrando, segue así coa súa preparación de cara ao inicio de liga o vindeiro 28 de marzo. Logo de tanto tempo parados, o encontro servirá para que os xogadores vaian collendo ritmo de competición e chegar na mellor forma posible á data marcada no calendario de tódolos equipos da Preferente Galega.
Ademais, será a presentación do cadro dirixido por Iván Carril ante o seu público. O encontro permitirá un aforo limitado de 150 persoas, que deberán formular a súa reserva chamando ou enviando un WhatsApp ao 629 979 593 ou un correo a cfnoia@yahoo.es , facilitando o nome e apelidos, o DNI e un teléfono.