O alumnado de O Pote II recibe formación sobre pescadeRías

05 Marzo 2021

O alumnado do obradoiro de emprego O Pote II (impulsado polo Concello de Ribeira e especializado en operacións básicas de cociña), asistiu este xoves pola mañá no seu centro de formación (a Escola Municipal de Hostalería) a unha charla formativa sobre a marca pescadeRías.

A sesión foi impartida pola técnica Ana Pérez e os obxectivos foron mostrar a marca entre os futuros profesionais da restauración e a hostalería, poñer en valor a pesca artesanal, coñecer ferramentas dixitais que proporcionan información sobre os produtos do mar e achegar recursos para diferenciar as distintas especies de moluscos bivalvos.

A xornada tivo unha duración de dúas horas, cunha primeira parte expositiva e unha segunda na que o alumnado realizou exercicios individuais utilizando os métodos de descubrimento e interrogativo e fomentando o debate dentro do grupo.

O Pote II é un programa mixto de emprego e formación que ten por finalidade mellorar a formación e a empregabilidade das persoas participantes, neste caso, 15 mozos e mozas incluídas no ficheiro do sistema nacional de Garantía Xuvenil, promovido polo Concello de Ribeira, subvencionado pola Consellería de Economía, Emprego e Industria e co-financiado pola Iniciativa de emprego xuvenil e o Fondo Social Europeo para o período 2014-2020.

A marca pescadeRías é un selo de identidade para a promoción e defensa dos peixes e mariscos procedentes da frota artesanal cuxa fama de variedade e calidade traspasan as nosas fronteiras. Esta marca xorde desde a Consellería do Mar da Xunta de Galicia no ano 2008.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...