Noia Histórica ofrece visitas guiadas polo durante a Semana Santa

A Asociación Noia Histórica cumpre 10 anos coas Visitas Guiadas a Noia nun ano diferente por mor da COVID-19. As xornadas desenvolveranse durante a Semana Santa, do 27 de marzo ata o 4 de abril baixo as medidas adoptadas de seguridade fronte á pandemia.

As visitas levaranse a cabo os xoves, venres e sábado a partir das 12:00 horas, e teñen un prezo de 2 euros, recuperables ao consumir nos establecementos hostaleiros do concello. A actividade comezará coa saída dende o Concello de Noia, e fará un recorrido polas Igrexas de San Francisco, de Santa María a Nova, de San Martiño, polo Museo Luadas Gremiales, para rematar polas Rúas e Pazos da Vila.

A inscrición está aberta para todos aqueles interesados, máximo grupo de 8 persoas, na Oficina de Turismo, ata o 4 de abril en horario de 10:00 a 15:00 horas. Tamén está dispoñible a opción de formular a inscrición previo a través do correo turismoconcellodenoia@gmail.com ou no teléfono 981 821 598.