Os axentes da Policía Nacional da comisaría de Ribeira foron os primeiros en recibir a vacina, faranno despois os bombeiros dos dous parques situados na comarca, así como o persoal do GAEM e da Policía Local ribeirense e rianxeira.
Ao longo desta semana está previsto acabar cos membros destes destacamentos e tamén inocular aos municipais da Pobra e Noia, así como aos integrantes das distintas agrupacións de Protección Civil da zona.
Todos eles recibirán no CHUS de Santiago a vacina de AstraZeneca, cuxa segunda dose administrarase en 10 ou 12 semanas.
