O Concello de Rianxo anunciou esta semana que vai presentar no Servizo Público de Emprego de Galicia, na súa oficina de Boiro, as ofertas de emprego para a contratación do persoal necesario para o Programa de Integración Laboral PEL-Concellos Reactiva 2021 da Deputación da Coruña, ao abeiro das axudas deste programa para obras e servizos municipais.
O obxecto deste programa é fomentar o emprego nos concellos mediante a contratación de persoal en situación de exclusión laboral, preferentemente, para a prestación de servizos municipais relacionados coa loita e a mitigación dos efectos negativos provocados pola COVID-19.
As categorías para as que se vai presentar a oferta son: peón/a albanel (2 persoas), peón/a xardín (2 persoas), e peón/a de aglomerado (3 persoas). As bases de selección que rexen o devandito proceso están dispoñíbeis na páxina web do Concello de Rianxo.
