A Sala Arcos Moldes do Auditorio de Rianxo acollerá o vindeiro sábado 20 de marzo, ás 20:00 horas, o monólogo Vello aos vinte e pico do artista rianxeiro Duarte Galbán, que estará acompañado por un artista convidado.
Vello aos vinte e pico é unha exposición na que o Duarte Galbán fai unha comparación dos hábitos de hai trinta anos cos de hoxe en día. É un monólogo canalla, moderno e fresco que dirixido tanto aos novos, como aos maiores, recordando os cambios xeracionais e as cousas que pouco apouco se van perdendo. “O Tinder? Na miña época chamábase Mari Carmen… O noso Google era a Enciclopedia Encarta, e os nosos influencers eran o Xabarín Club e SonGoku”, comenta o artista rianxeiro.
Todas as persoas interesadas en asistir ao espectáculo (recomendado para maiores de 12 anos) poderán facer a súa reserva a través de auditorio@concelloderianxo.gal, ou no teléfono 664 183 217, desde o 8 ata o 18 de marzo, de 9:00 a 13:30 horas. É necesario indicar nome completo, teléfono e se son conviventes.
