A través do Plan Único, a Deputación da Coruña vai destinar 38.220 euros para o financiamento dun proxecto para a instalación dun área recreativa infantil no CEIP Ana María Diéguez, na parroquia de Asados do Concello de Rianxo.
A actuación, que vén de saír a licitación pública, permitirá crear dúas zonas diferenciadas: unha primeira destinada aos nenos e nenas de infantil, que estará situada no patio interior onde será instalado un novo tobogán e unha casiña de xogos e onde renovarase o chan de caucho existente na zona de seguridade do tobogán; e unha segunda para o conxunto do alumnado do centro, que estará no xardín traseiro (onde se van habilitar unha serie de xogos que configurarán un circuíto de aventura que constará de escaleiras, pontes, cordas, redes… fabricados con madeira provinte de bosques xestionados de maneira sustentábel).
O prazo para presentar ofertas á licitación deste proxecto remata o 29 de marzo e o tempo de execución dos traballos desde o comezo das obras será de 1 mes.